Landa-udalerria da nabarmenki eta bere jatorria Idibaltzagako Andra Mariaren elizateari lotuta dago. Eleizalde auzoan dagoen parrokia horrek irudi polita osatzen du, guruztokiarekin eta inguruan dituen baserriekin batera. Horrez gain, Errigoitik hainbat baseliza ditu, auzoetan sakabanatuta, eta barruko paisaia tipikoa eta artzaintzari lotutakoa da.
Idibaltzagako Andra Mari eliza
Eleizalden dago eta Gernikako hiri-gutunean aipatzen da, 1366. urtekoan. 1550ean berreraiki zen. Urte horretan usteldu gabeko gorpu bat agertu zen hilobi batean eta mirarigile ospea hartu zuen. Gaur egun bertan dago oraindik. Gorpuari esku bat kendu zioten eta zilarrezko eskuzorro batean gordeta dago.
Santa Kurtze baseliza
Bizkaigane mendian dago baseliza hau. Eraikinak ohiko estiloa du baina ziurrenik Goi Erdi Aroko nekropoli baten erdigunean zegoen beste baseliza baten gainean eraiki zen. Horren erakusgarri lirateke eraikuntza-material modura berrerabili zen hilarria eta atelada ondoko izkinan dagoen sarkofagoa.
San Lorenzo baseliza
Metxika auzoan dago eta estilo neoklasikoa du. Zelai txiki batez inguratuta dago, zuhaitz askorekin. Toki aproposa da lasaitasuna eta aire zabaleko tokiak nahi dituzten familientzat.
BATZAR ETXEA ETA GERNIKAKO ARBOLA
EUSKAL HERRIA MUSEOA
JAI ALAI
URDAIBAIKO 4 EKOSISTEMAK
TXAKOLIN UPATEGIAK
