Paisaiaren, ekologiaren eta kulturaren aldetik ondare zabala duen udalerria da Kortezubi. Gure arbasoek etxe eta egoitza modura aukeratu zuten historiaurrean, baliabide kopuru handiak eta bertako hainbat eta hainbat kobazuloen erosotasunak erakarrita, zalantzarik gabe. Horren adibide da Santimamiñeko koba. Itsasadarrerantz irekitako paisaia dauka, barneko haranetan bildutakoa, ohiz kanpoko paisaia batean murgilduko zaituzten bideekin.
UNESCOk Gizadiaren Ondare izendatu zuen 2008an. Ereñozar mendiaren oinetan dago eta aztarnategi arkeologiko garrantzitsua da, bere motako bakarra Bizkaian. 14.000 urtetik gorako pinturak ditu barruan, Madeleine aldikoak. Irakurri gehiago
Agustin Ibarrola artistak margotu zuen baso hau, Paleolitoan Santimamiñeko koban bizi ziren artisten lana Land-art joera modernoarekin batzeko asmoz. Bizkaiko paisaiarik autentiko, harrigarri eta hobekien kontserbatu direnetakoa da harana.
Gehiago irakurri
Basondo, faunaren babeslekua
Santimamiñeko koben eta Omako Basoaren ondoan dago Basondo, fauna basati mehatxatuarentzako babeslekua. Eremuko espezie nagusiak ikusi eta argazkiak atera ditzakegu bertan: basurdeak, orkatzak, basakatuak, katajinetak, igarabak, hegazti harrapariak eta migratzaileak, narrastiak etab. Gure ingurutik desagertu ziren espezieak ere ikus ditzakegu bertan, esate baterako otsoa, katamotza edo bisonte europarra.
Santiago Apostoluaren eliza
Estilo gotikoa duen habearte bakarreko eliza da, XV. mendekoa. Apaingarriz hornituegi dagoen urre koloreko erretaula ederra dauka, San Jose eta Santa Anaren irudiekin. Oso interesgarria den ur bedeinkatuaren pontea ere dago bertan, bi suge irudikatuta dituen erliebearekin.
BIRDING
GERNIKA
FORUAKO KULTUR MULTZOA
BEGIRATOKIAK
OGOÑO
