1 2 3 4 5 6 7 8 9 10 11 12 13 14 15 16 17 18 19 20

Ea

Bedaronako, Ereñoko eta Natxituako arrantzaleek sortu zuten Ea, arrantzale izaera mantendu duen landa-herria. Eako hiriguneak eta auzoek osatzen dute udalerria, hots, Natxituak, Bedaronak eta Angelutxuk. Paisaia guztiz eder eta anitzaren osagarri dira auzo horietako bakoitzaren ezaugarri eta izaera desberdinak.

Irakurri gehiago

HIRIGUNEA leku atsegin eta polita da, eta xarma berezia dauka hondartza babestu eta familiarrari esker. Portuak, txalupek eta herritarren izaerak arrantzale jatorria gogorarazten dute. Itsasadarrak eta alde biak batzen dituzten zubiek are bereziago egiten dute Ea.

BEDARONA auzo lasaia da, zelai irekiak dituena. Hirigunetik 3 kilometrora dago. Elizak, frontoiak, plaza txiki batek eta kontu handiz zaindutako baserriek ongietorria emango dizute goitik. Itsasoa eta euskal kostaldea ikus daitezke Bedaronatik eta benetan ikuspegi ikaragarria da.

Eatik 3 kilometrora baita ere, muino baten gainean zabalduta,NATXITUA auzoa aurkituko dugu. Han eta hemen sakabanatutako baserri sendoek eta etxe talde batek osatzen dute landa-gunea, plaza txiki baten eta atari guztiz ederra daukan Kontsolazioaren Andra Mari elizaren inguruetan bilduta.

Jaiak

Eako jaiak San Joan egunean ospatzen dira, ekainaren 24an.

INFORMAZIOA

Originaltasunez eta xarmaz beteriko toki honek kaleetan barrena ibiltzera eta errekaren bi ertzak lotzen dituzten harrizko zubiak zeharkatzera gonbidatzen gaitu. Bidexka naturalek, labarrek eta postaletan jartzeko moduko paisaiek osatzen dute Ea, sustrai euskaldunak dituen herria, familiarekin zein lagun taldearekin bisitatzeko toki aproposa.

NOLA HELDU

Autobusez

A3513 linea: BILBO-GALDAKAOKO OSPITALEA- GERNIKA-LUMO – LEKEITIO

DISTANTZIAK

50 km Bilbora
11 km Lekeitiora
15 km Gernikara
48 km aireportura
78 km Donostiara
97 km Gasteizera

Oinetako erosoekin etortzea gomendatzen dizugu, bidezidorrez gozatzeko

Doako aparkalekua dago Eako hirigunean.

INTERES TURISTIKODUN TOKIAK

Urtubiagako errota eta burdinola Marearteko laugunea Hondartzak Zubiak Talako baseliza

Urtubiagako errota eta burdinola

Eako Urtubiaga errota eta burdinola interes kulturaleko monumentuak dira, herriko ondare historiko eta industrialaren harri bitxiak. Errota eta burdinola bisitatzeko, Eako hirigunetik ateratzen den bidexka polit bat dago. Oinez egiteko ibilbidea da, erraza, balio natural eta kultural handikoa. Antzinako bide tradizionala eta antzinako burdinolako uraren kanala jarraitzen ditu bide horrek. .Irakurri gehiago

Marearteko zabalgunea

Ogella harrizko kala bat da, marearteko zabalguneatik interes ekologiko handikoa dena. Zoaz bertara itsasbeheran, eremu harritsu zabalak eta sakonera desberdineko putzuak agerian geratzen direnean, eta itsas fauna eta flora espezie ugari aurkituko dituzu. Beste espezie baliotsu batzuen artean, Fucus chalonii alga endemikoa aurkituko duzu.

Hondartzak

Ean askotariko hondartzak aurkituko dituzu. Sarbidea hirigunetik bertatik duen hondartza txiki eta atsegina dauka Eak, portuaren ondoan. Oinez ibiltzeko hainbat eremu ditu, eta baita tabernak eta jatetxeak ere, inguruan. Horrez gain, hondartza harritsu eta basatiak dauzka, Eako Lapatza esaterako, natura garbiaz gozatzeko. Natxituako Lapatza ere hortxe dago, ukitu gabe jarraitzen duen hondartza harritsua, landarez eta basoz beteriko mendiez inguratuta. Toki bikaina da toki lasaiak maite dituztenentzat, eta baita urpekaritza egiten dutenentzat ere.

Zubiak

Herriaren ezaugarria dira. Erreka gaineko lau zubi, udalerriaren bilakaera markatu dutenak. Kaitik eta bi itsasertzetan zehar, bi aldeetan, etxetxoek eta zubiek ematen diote izaera hiriguneari. Harrizko zubi zaharra buruan duen paisaia, derrigorrez ezagutu beharrekoa.

Talako baseliza

Isolatuta eta kostaldeko talaia natural batean, arrantzale batzuek itsasoan Andre Maria Sortzez Garbiaren irudi bat aurkitu zutela dio kondairak, eta horren ondorioz baseliza bat eraiki zutela irudia aurkitu zuten tokiaren aurrean. Ermitaraino eramango zaituen bide bat dago hirigunetik (erraz ikusteko modukoa), antzinako gurutze-bidea izandakoa. 700 metro eskas dira baina 150 metroko garaiera aldea dago.