MUNDAKA

Xarma handiko marinel-herria, portu txiki bat, kale nahaspilatuak alde zaharrean, hondartzak eta kalak, kultura eta ohiturak, gastronomia bikaina eta munduko surfean aritzeko olaturik ezagunenetako bat. Zer gehiago eska genezake?

Mundakak ikuspegi zoragarriak dituzten behatokiak, Santa Katalina baseliza bezalako leku liluragarriak eta portuaren inguruko kale nahaspilatuak eskaintzen dizkizu.

Ez galdu inauterietako igandea; izan ere, Mundakako aratusteak (hau da, inauteriak) Euskadiko ospetsuenetako batzuk dira. Egun horretan kaleak atorraz eta lamiez, musikaz eta dantzaz betetzen dira. Ikusgarria baino ikusgarriagoa.