1 2 3 4 5 6 7 8 9 10 11 12 13 14 15 16 17 18 19 20

Mendata

Herri kulturan eta bere folklorearen aniztasunean errotutako herria da, Urdaibairen zati altuan dagoena, Gernika-Lumotik 7 kilometrora. Lau auzo ditu: Elexalde, Albiz, Marmiz eta Olabe. Inguru natural ederrak hainbat ibilbide eskaintzen ditu, oinez zein bizikletaz egiteko. Hirigunetik kilometro gutxira dago Bizkaiko Begiratokia.

Iraila udalerria bisitatzeko garai ona da, orduantxe egiten baitira hegazti-azoka ezaguna eta mendi martxa ospetsua. Udalerriak irailaren 29an ospatzen ditu jaiak, San Migelen omenez.

www.mendata.eus

Maps were disabled by the visitor on this site. Click to open the map in a new window.

INTERES TURISTIKODUN TOKIAK

Idatze Etxea Olazarra burdinola Albiz jauregia Montalban dorretxea San Migel Goiaingeruaren eliza Bizkaiko begiratokia

Idatze Etxea

Hementxe daude informazio puntua eta udal aterpetxea, batez ere erromesentzako dena.

Olazarra burdinola

Marmiz auzoan dagoen antzinako burdinola, errotarekin.

Albiz jauregia

XVIII. mendeko eraikin honen fatxada nagusian Albiz eta Allende Salazar familien armarriak ikus daitezke.

Montalban dorretxea

Muino estrategiko batean dago, lur eremu zabalak eta Gernikara joateko Erdi Aroko bide zaharra zaintzen. XVI. mendekoa da eta Euskal Herriko dorre pentagonal bakarra da.

San Migel Goiaingeruaren eliza

X. mendean eraiki zen ikuspegi ederra eskaintzen duen muino baten bizkarrean eta XVI. mendean handitu zen. Estilo gotiko-errenazentista du eta atarian harrizko mahai bat dauka, bilera puntu modura erabiltzen zena.

Bizkaiko begiratokia

Begiratoki honetatik Urdaibaiko sakongunearen paisaiarik menditsuenaz gozatu ahalko duzu. Oiz mendiaren hegalean dago Bizkaiko begiratokia. Toki enblematiko horretatik eremuko baso-masa osoa ikus daiteke. Kondaira batek dio gauez sorginak biltzen zirela toki honetan. Bertatik Bizkaiko panoramikaz eta gailur-lerroaz gozatu ahalko duzu eta hala, oinez igo bazara, igoera konpentsatuta geldituko da. Autoz ere igo zaitezke.