1 2 3 4 5 6 7 8 9 10 11 12 13 14 15 16 17 18 19 20

Muxika

Oiz eta Bizkargi mendiguneen artean dago eta eskualdeko udalerririk zabalena da. Muxikako auzoak mendi berdeetan zehar sakabanatuta daude eta ondare kultural zein historiko baliotsua dute. Benetan merezi du Unda auzoa bisitatzeak, Erdi Aroko baserriak baititu. San Romanen daude Muxikako dorretxe enblematikoa, XVI. mendekoa, eta San Roman baseliza ederra, landa-guneko arkitektura erlijiosoaren adibide bikaina den eraikin erromanikoa. Magunan, Maumen, Gorozikan zein Ajurian landa-gune natural eta zoragarria gailentzen da.

www.muxikakoudala.eus

INTERES TURISTIKODUN TOKIAK

San Bizente Martiriaren eliza Muxikako dorretxea Ibarruriko San Pedro eta San Pablo San Roman baseliza

San Bizente Martiriaren eliza

X. mendean eraiki zen eta 1740. urtean handitu zen. Habearte bakarra, hiru aldare, zizelatutako sarrerako arkua, eliz atari onak eta aurrealdeko dorrea ditu. Barrualdean XVIII. mendeko erretaula barrokoa dago, San Bizenteren irudia gailentzen delarik, elizaren patroiarena, alegia.

Muxikako dorretxea

Lurraldeko leinurik boteretsuenetako baten egoitza izan zen. Hainbat aldiz suntsitu eta berreraiki da, Erdi Aroan zehar liskar ugari egon baitziren bandokideen artean. Bandoen gerrak bukatutakoan, dorretxearen goialdea moztu zuten eta landa-jauregi bilakatu zuten. Hala, bi estilo arkitektonikoen erdibidean gelditu zen.

Ibarruriko San Pedro eta San Pablo

Baseliza gotiko hau (XV-XVI. mendeetakoa) Bizkaiko landa-guneko estilo gotikoaren tenplurik interesgarrienetako bat da. Nabarmentzekoa da arku zorrotzeko aurrealdea, hainbat motiborekin eta gerrarien irudiekin apainduta.
Irakurri gehiago

San Roman baseliza

Estilo erromantiko berantiarra du. XI. mendean eraiki zen eta probintziako baselizarik zaharrenetako bat da. Landa-guneko arkitektura erlijiosoaren adibide bikaina da.