1 2 3 4 5 6 7 8 9 10 11 12 13 14 15 16 17 18 19 20

Nabarniz

Iluntzar mendiaren oinetan dago udalerri hau, 360 metroko altueran, batez bestean. Garaierarik handienean dagoen udalerria da, eskualdea osatzen dutenen artetik. X. mendetik aurrera sortu ziren gaur ezagutzen ditugun auzoak, bakoitza bere baselizaren inguruan: Ikazurieta auzoa San Kristobal baselizaren inguruan, Uribarri auzoa San Migel baselizaren inguruan, Merika auzoa San Gregorio baselizaren inguruan, Lekerika auzoa Santiago baselizaren inguruan eta amaitzeko, Elexalde auzoa Gorostizako Andra Mari elizaren inguruan. Gastronomiak ere markatu zuen Nabarnizko historia. Babarrun gorriak eta batez ere barazki eltzekaria dira udalerri honetako espezialitatea. Proba itzazu espezialitate horiek herriko jatetxeetan.

Maps were disabled by the visitor on this site. Click to open the map in a new window.

INTERES TURISTIKODUN TOKIAK

Gorostizako Andra Mari eliza San Kristobal baseliza (Ikazurieta)Goikolea errota

Gorostizako Andra Mari eliza

Jatorriz estilo gotikoa duen eliza hau XV. mendekoa da. 1800. urtean berreraiki zenean kapera nagusia eta elizaren oinean zegoen dorrea mantendu ziren. Bermeoko Andra Mari elizarekin batera, Bizkaiko lehenengo eraikin zentratua da.

San Kristobal baseliza (Ikazurieta)

Oinplano errektangeluarra eta bi isurkiko estalkia ditu. Fatxada nagusia bi eremu horizontaletan banatuta dago. Lehenengo eremua harlangaitzez eginda dago, egurrezko hesi batek osatzen du bigarrena eta hirugarren maila adreiluzkoa da.