Kokapen pribilegiatua duenez, Urdaibaiko Biosferaren Erreserba ezagutzeko abiapuntu bikaina da.

Muino baten hegalean, baso atlantikoz eta kostaldeko artadiz estalitako ingurunean, Ajangiz paseatzeko gonbidapena da, baita Oka ibaiaren ibarraren gaineko ikuspegi ederrak dituen behatoki naturala ere.

Plazatik bertatik, tokiko ondare kultural aberatsa ezagutzeko lehen urratsak emateko aukera izango dugu. Ondare horretatik nabarmentzekoak dira Igokundearen eliza (XIX. mendea), estalki modernoa duen frontoia, estilo neoklasikoko udaletxea eta Aristieta jauregia (XVII. mendea), gaur egun landetxe bat dena.