Urdaibaiko bi hondartzarik ikusgarrienak Ibarrangelun daude eta urte osoan zehar goza daitezke.

Laida hondartza ikaragarria da, Urdaibaiko handiena. Aldakorra da; neurriaz eta itxuraz aldatzen da itsasaldien eta lasterren arabera.

Surfa, paddle surfa, kayaka eta antzeko kirolak egiteko hondartza ezin hobea da.

Hondartza basatia da Laga, itsasoari irekita eta bertara iritsi aurretik zirrara eragiten duena. Ogoñoko lurmutur izugarriak, 300 metrotik gorako kareharrizko harkaitz handiak, hondartzaren horma osatzen du, eta horregatik bakarrik Euskadiko hondartza politenetako bat dela esan dezakegu.

Laida baino askoz ere irekiagoa dago itsasoari, ia beti daude olatuak Lagan, eta bertan gozatzen ari diren surflariak ikus daitezke.