Batzarretxeak eta Gernikako Arbolak Interes Kulturaleko Ondasun aitortutako monumentu-multzoa osatzen dute eta, batez ere, Bizkaiaren eta Euskadiren historiaren ikurrak dira.

BATZARRETXEA ETA GERNIKAKO ARBOLA

Multzoaren bihotza Gernikako Arbola da; haritz hau euskaldun guztien ikurrik unibertsalena da eta egintza nabarmenak hartzen ditu, adibidez, lehendakariaren eta Bizkaiko ahaldun nagusiaren kargu-hartzea eta zina. Gaur egungo Gernikako Arbola 2014an landatu zen eta orain arteko guztiak izan dira gogoratzen den lehenengo Gernikako Arbolaren kimuak.

Batzarretxearen lorategian, badago Arbola Zaharra deritzona. Nahiz eta ez den lehendabiziko Gernikako Arbola, kontserbatzen den hondarrik zaharrena da.

Batzarretxea estilo neoklasikoko eraikin bat da, 1826 eta 1833 bitartean eraiki zena Antonio de Etxebarria arkitektoaren zuzendaritzapean. Batzarretxea eraiki arte, batzarrak Antiguako Andra Mari baselizan ospatzen ziren, egungo eraikina eraikitzeko eraitsi egin zena. Eraikinean, hauek nabarmendu behar dira:

Batzar-aretoa

Eraikinaren erdiko nukleoa da eta oraindik ere gordetzen ditu leku hori okupatzen zuen jatorrizko baselizaren aldarea eta ur bedeinkatu ontziak. Nabarmentzekoak dira Bizkaiko jaun desberdinak irudikatzen dituzten margolanak.

Leiarpeko Aretoa

Espazio hau aire zabaleko patio bat izateko diseinatu zen, baina Bizkaiko historiaren inguruko museo bilakatu zen, estalki-lana egiten duen dimentsio handiko beirate batekin.

INTERESATZEN ZAIZUN

INFORMAZIOA

Asteko egun guztietan dago irekita publikoarentzat, plenoa dagoen egunetan izan ezik.

Bisita doakoa da.

ORDUTEGIA

Uda
- 10.00 – 14.00 / 16.00 – 19.00
Negua
- 10.00 – 14.00 / 16.00 – 18.00

KONTAKTUA

Telf.. 94.625.11.38

batzar.etxea@bizkaia.eus

Web: www.jjggbizkaia.eus

If you have an appointment, you have the option to have a guided visit in the following languages: Basque, Spanish and English (also free).

1 2 3

BIZKAIAREN HISTORIA POLITIKOA

Gernika mendeetan zehar izan da Bizkaiko herrien topagunea. Antzina, Bizkaiko herrien ordezkariak arbolaren azpian biltzen ziren eta jaurerriaren arazo komunen inguruan eztabaidatzen zuten. Bilera horiek Bizkaiko Batzar Nagusiak deitzen ziren eta 1876ra arte ospatu ziren, hau da, Bizkaiko bizitza eraentzen zuten legeak, hain zuzen ere, foruak abolitu ziren arte. 102 urteko etenaldiaren ostean, batzarrak 1979an berreskuratu egin ziren. Horrela, foru-erakunde honen bizitzaren bigarren etapa hasi zen.

1936ko urriaren 7an, José Antonio Aguirre lehenengo lehendakariak kargua zin egin zuen eta berak orduan esandako hitzak arbolaren ondoan daude inprimatuta. Hori baino lehen errege eta erregina desberdinek egin zuten, besteak beste, Gaztelako Isabelek 1483an.

Batzarretxea eta Gernikako Arbola herriaren historiaren ikur biziak dira.