Etapa 6. Durango – Gernika (29,7 km)
GR 38ak iparraldetik hegoaldera zeharkatzen du gure eskualdea, bide komertzial zaharrari jarraituz eta Urdaibaiko edertasunarekin eta aberastasunarekin gozatuz.
Maumeko Portaleak ongi etorria ematen digu Urdaibaira, Durangaldetik gure eskualdera sartzen den antzinako bidetik. Bide zahar, estu eta ederretatik Bermeoko portua du helmuga ibilbideak. Bidean, herri, auzo, baso eta baserri ederrak gurutzatzen ditu, eta, etapa amaieran, Gernika hiribildu zaharrera iristen da. Bertan, oraindik mantentzen da tradizio handiko merkatua, gure eskualdeko altxorra.
Etapa 7. Gernika – Bermeo (19,2 km)
Gernikatik Bermeorantz doa ibilbidea, lehen zatian Errege Bide zaharretik eta, ondoren, Forua eta Altamira arteko barnealdeko bide zaharretatik. Altamiratik Katillotxuko mendilerrorantz doa jarraian, bertako trikuharri estazioa zeharkatu ostean, Bermeoko portu historikora jaizteko. Gure itsasoaren, Kantauri itsasoaren, handitasunak duen esentzia sentituko duzu.
* Trazadura ibiltari bakoitzaren egoera fisikora egokitu daiteke, hemen proposatutakoen arteko bitarteko etapak eginez. Horrela, aukera ugari daude: ibilbide luzeak eta gogorrak egin daitezke eta paseo lasaiak eta errazak ere bai. Zalantzarik gabe, horiekin, bisitaria bide historiko honen esentziez maiteminduko da.
